Chhingchhip kan tlawh

January ni 26 Pathianni hmangin, Hebron PYD te chuan, Hebron kohhranin Chhingchhipa rawngbawltu kan rawih lai Unaupa Ṭansiama kan tlawh.

Chhingchhip rawngbawltu Unaupa Ṭansiama (Man at the middle in the front) kan tlawh

Zing lam dar 10:30 ah Pastor Qtrs ah kan innghak khawm a, Unaupa Lawmtea leh Unaupa Mahminga te motor kan hmang a, two wheeler a kal tlem azawng kan awm bawk.
Heng bakah hian Bialtu Pastor Lalnghinglova leh Tirhkoh Vanlalrema ten an car an thawhchhuahpui bawk a ni. Kal zawng zawng hi mi 42 kan ni.

Unaupa Ṭansiama'n chhun lam inkhawm min kaihruai

Chhun lamah hian Unaupa Ṭansiaman inkhawm a kaihruai a, T.Upa B.Lalbiakdika (EBM) hnen atangin Pathian thuchah kan ngaithla a. Baptisma chang lova van ram a kai theih loh kthu a sawi a ni. Inkhawm ban hian Baptisma rawngbawlna neih nghal a ni a, Seventh Day Adventist kohhran atangin baptisma hi chan a ni. Baptisma chan a nih zawh hian, inneih inkhawm kan hmang nghal a, a dangdai khawp mai. T.Upa C.Thangzama nupui kha mo thianah a ṭang nghal a, keini PYD te pawh inneih hriatpuituah kan ṭang nghal chu a ni ber.

Inneih inkhawm

Zanriah te kan ei hnuah zan lam inkhawm kan ṭan leh a, Tk Vanlalreman inkhawm kaihruaiin, Unaupa Ṭansiama hnen atangin, Baptisma hmanga Lalpa hming kan lo lam dan ngaihnawm tak ngaihthlak a ni. Ban hla atan hla pahnih ngawt mai kan hmang bawk.

Zan inkhawm kaihruaitu Tk Vanlalrema

Unaupa Ṭansiaman Pathian thu a sawi