2020 PYD inkhawm hmasa ber

2020 PYD inkhawm hmasa ber

Kum 2020, Hebron PYD inkhawm hmasa ber chu, Jan ni 6 zan khan Hebron biak inah neih a ni. Inkhawm hi PYD president Tv Roluahmawia’n a kaihruai a, Ephesi 5:3 thu chhiarin inkhawm te ṭan a ni a,

Pathian faka zai hovin “Hming dang zawng zawng aiin” tih hla nen Lalpa kan fak a, Vice President Unaupa Lalhmangaihkima’n khuangte changin, kan Secretary Unaupa Lalhruaitluanga’n khuangpuiin a lo chhawn a, sak zawm leh chakawm em emin Unaunu Lalrengpui’n hla a lo hril bawk a. Zai a nuamin kan kham lo lam lek lek zel a ni.

Puan tur ṭul pua hun a lo ni a, Unaupa Labiakdika Sailo lo dingin PYD Bial Board chungchang a arawn dinpui a, Unaupa Lalhmangaihtluanga’n lenkhawm lama ṭhahnem ngaih a ṭul zia a sawk bawk. Unaunu Lalengkimi lo dingin PYD hunruatna a rawn puang a, tin Unaupa Lalhmangaihkiman hun vawn dik chungchangah thahnemngaihna thu a dinpui leh a. Unaupa Lalhruaitluanga’n, Jan ni 9-a Unaupa Lalchhanhima nuṭui neihna tura Usher tur te hming a rawn puang leh bawk a ni.

Puan tur ṭulte puan a nih hnu hian kan zain Lalpa hnenah kan inhlan a, Thlarau awmpuina hnuaiah engkim mai kha a nuamin a kal dak zaih a ni ber. Kan ṭawngṭai zawh hian hun hmasa hmangtu Unaupa Lalfakzuala  lo dingin, kum tharah hian rilru rthar nen hma sawn zawnga rawngbawl tur kan nih thu a sawi a; Sam 84:5 chhiarin, harsatna leh lungngaihna te, hrehawmna te hi a dang kan tawh leh huna chakna kan neih theihna tur a nih thu a sawi bawk.

Dar 6:57 ah thu hriltu Unaunu Laltlansangi a ding a, Luka 5:45 leh Mat 4:19 hmangin Pathian thu a sawi. “Fanghmir ten ṭhal laia chaw an chhek khawl ang hian, harsatna lo thlen hun atan ṭhal lai hian chaw i chhekkhawl ang u, hlim lamna hi rawngbawlna kawnga min tichaktu leh min puitu tur a la ni.

Kan inpekna te hi a pawn lang em? Tui pawnlangah sangha man tur a awm ngai lo a, khawkrawk leh li thuk lam pan a ngai ṭhin a ni. Isuan Petera len deng tura a tih lai hian, Petera hi Isua bulhnaiah a awm a, Isua bul hnaiah i awm ang u. Pathian hnaih rawh u, anin a hnaih ang che u tih a nih kha.

Lalpa chenna tlak ni turin kan thinlung i hawng ang u. Lalpan in a sak loh chuan a satu a rim thlawn mai a ni. Ṭhalaite hi Lalpan min koh chhan chiang leh zuala hre turin inbuatsaih ila, Lalpa puihna tel lo pawhin tum ruhna leh thawh rimna nen kal ila, chu chu Lalpan mal a sawm ang a, amah a rawn tel zel zawk ang. Kum tharah chuan ṭhahnem ngaihna thar nen ṭawngtai mawlh mawlhin, thlarau awmpuina nen Lalpa tan ke pen i tum ang u. kan hma zawn ṭheuha rawngbawlna te hi i thawk mawp mawp mai ang u, tichuan, Lalpa malsawmna kan dawng ang” tiin thu ṭha tak a sawi.

Dar 7:25 ah thuhriltu hi ṭawngtaiin, a tawngtai zawhah chairman hnenah hun a hlan a. “Aw thlarau thianghlim lo kal la” tih hla sain kan zai a, Lalpan ṭawngṭai dan min zirtir angin kan ṭawngṭai a, inkhawm kan bang ta a ni.