Social Media hman dan

June ni 17, 2019 (Thawhtan) zan khan Hebron Biak Inah Serchhip Bial PYD ten  Social Media hman dan chungchangah seminar an nei. He hun hi Bial PYD Asst. Secretary, Unaupa Liansangpuia'n khaihruaiin, resource person ah Unaunu malsawkimi ( Bial PYD Treasurer) hman a ni a, Seminar paper hi General PYD buatsaih, “Social Media Hman Dan” tih a ni.

Tualchhung hrang hrang atangin PYD member mi 50 vel bawr an kal khawm a, hlawkthlak an ti tlang hle. Sawi ho tura chhawp chhuah sa : (a) Pentecost thalai ten social media kan hman thiam tawk lohna lai nia kan hriat te,  tih leh (b) engtin nge social media kaltlang in rawngbawlna tha zawk kan neih theih ang ? tihte sawi ho a ni a, mi eng emaw zat ten ngaih dan leh thlir dante an sawi ho a ni.

Mi kan hrang ang zelin ngaih dan te pawh a hrang viau thin a, amaherawhchu kohhran tana tha tur kan duhna avang a ni zel thin hi thil lawmawm tak a ni phawt mai. Kan chanchin leh chetphung  athang mawi lo zawnga sawia vawrh darh thin chungchangah hian, engtianga hma lak tur nge ni a, eng tianga dawnsawn tur nge tih te,  Pentecost mite chu Social Media hman kawngah pawh kan danglam a ngaih thu te, social media-a tam viau ai chuan Pathian lehkha thu ngainat nachang kan hriat a tul thute sawi a ni. Inkhawm lova WhatsApp group a lo rik chhen te chin loh va, social media hmanga mite kawm ai chuan, kohhran mite nena hun kan hman tam a that zawk thu te, thalai ten social media addict kan nih loh nana intehna tur tehfung thai lan te hmanga kan inteh a, kan inven theih dan turte sawi ho niin, a hawlk thlak khawp mai. Dar 9 pelh hretah he hun hi tihtawp a ni.

A hnuaiah hian Seminar paper dah a ni.