Documentation Seminar Cum Revival Hebron Biak Inah

MUPC General PYD Documentaion Committe te leh Serchhip Bial PYD ten Hebron Biak inah Seminar an nei.

June ni 1-2 , 2019 hmang khan Gen.PYD atangin Documentation Committee ten Serchhip Hebron Biak inah Serchhip Bial PYD te, Document vawn țhat a pawimawhna chungchangah seminar an neihpui a, revival programme nen hun hlimawm leh hlawkthlak tak an hmang. He hun hmanpui tur hian  General lam atangin mi 13 an kal a ni.

Ni 1 (Inrinni) zan atangin hun hman tan a ni a,
hemi zan inkhawmah hian Unaunu R.Vanlalsangi, GPYD Documentation Committe Member in hun hmasa a hmang a, T.Upa Lalropuia, Managing Editor, Pentecost Meichher chuan thu sawi rawngbawlna a nei.

A tuk ni 2 June (Pathianni) zing inkhawmah Unaunu Ramdinsangi, GPYD Documentation Committee Member chuan hun hmasa hmang ve lehin, Unaupa F.Lalnuntluanga, Treasurer GPYD chuan thu hril rawngbawlna a nei bawk.

Pathianni chhunah Seminar neih a ni a. He Seminar ah hian țanna hun Unaunu Malsawmkimi Documentation Committee member chuan a hmang a. Unaunu R.Vanlalrimawii , Treasurer Documentation Committee chu Resource Person niin, ani hian thiam takin Document vawn that pawimawhna te zirtirna neiin, Seminar paper zir hona te neih a ni. Seminar hi bial chhung mipui ten an hlut hle a, PYD member chauh nilo Kohhran upa te leh nu leh pa te pawh an tel țha hle a ni.

Pathianni zanah inkhawmna neih leh a ni a, Tk.C.Lalchhunga , Chairman Documentation Commitee chuan Thuhril rawngbawlna a nei a ni.

    He an hun hmannah hian Unaunu H.Lalnunpuii, Unaunu C.Malsawmzuali leh Unaupa Lalhmudika te chuan zaia rawngbawlna an nei bawk.

Seminar a sawiho tura chhawp chhuah te:

1. Mizoram UPC hian Archive Hall hi neih ve a hun kan ti em? Zau taka sawiho ni se.

2. Mimal, Tualchhung, Bial leh Gen. anga Document vawn kawnga kan mawhphurhna leh hmalak theih dan tur sawiho nise.

3. Document kan vawnțhat tawk loh avanga thilthleng leh nghawng a neih hrang hrang te sawiho nise.