HOME CRUSADE Unaupa Atea te inah

Ni 21 May, 2019 (Thawhleh zan) khan Hebron PYD te chuan Unaupa Lalrinliana (Atea) te in ah home crusade kan ne.

Hun hmangtu te :

Chairman : Unaupa Roluahmawia, (Vice president)

Thuhriltu : Unaupa Lalthantluanga Pautu (Asst. Secretary)

Zai a nuam hle mai a, UPC ten hla bik kan neih zingah pawh a, hlui deuh takte hrutin tui takin kan zai a, ral mai atan kan ui a ni ang, thenkhat ten video ten an lo la mawlh mawlh mai bawk, studio record
nilo nafam chu, zai erawh ngaihthlak nawn leh chuan a chuti viau hran lo maithei e, mahse a tel ve nih chuan a nuam viau lawi si a ni. Lalpan min awmpui hi chuan a nuam zel mai hi alo ni e.

Kan thuhriltu in tawi fel takin, "Kei leh ka chhungte erawh zawngin Lalpa rawng chauh a ni kan bawl dawn", tia Joshua lo sawi hmang khan sermon min hlan a, PYD bial thena a bial chhungah ngei hun a hmang chu a hlim thu te sawi a, a manhla in a hlawkthlak thin khawp mai.

Home crusade kan neihna chhungkua te hi an veng a hla hle a, an fate pahnih hi naupang lamah an inkhawm tha em em thin a, an veng lam ah Jenny-i , senior department a awm mek hi Gilead agent a ni nghe nghe a ni. Thuhriltuin hun a hman zawhah in neitupa Pu Atea'n thu te an sawi a, kohhran mite zing ah tam thei lo mah sela Lalpa tan a an rinawmzia te, PYD ten an in chhunga heng ang hun an hmang thei te chu a lawmzia sawin, "Tun lo pawh hi kan lo beisei leh dawn che u a nia" tiin thalaite min lo lawm thiam hle a ni.

Ni e, home crusade hi zing zawk a neih a, kohhran chhungkua kan lo in tlawh pawh a, kan lo inunau zel theih nan kan uar deuh deuh a tha hle a ni.