Home Crusade Unaupa Zohmingthanga te inah

March ni 14, 2019 zan khan Hebron PYD te chuan Unaupa Zohmingthanga te in Chanmari ah Home Crusade kan nei.

Home crusade ah hian Unaupa Lalthantluanga Pautu Hebron PYD Asst.Secy.in min kaihruai a,a duh apiang tan thusawina hun a hawng a, Bial PYD Secy, Unaupa Lalbiakdika Sailo lo ding chhuakin, Home Crusade kan nei thei chu lawmawm a tih thu a sawi bakah thalaite fuihna thu tha tak a sawi bawk a ni. Thusawitu unaupa Lalfakawma, Bial PYD Secy kal chhuak tain Pathian thu pawimawh tak mai a sawi a.

Pathian hmel keimahniah a lan chhuah a pawimawhzia leh lo boral ta ila, Lalpa hnen kan thleng thei ang em? Pentecost thalai rualte kan nunte inbih chiang turin fuihna thu a sawi a ni. Mosia, Sinai tlanga Lalpa nen an intawn hnu khan Mosia hmelah Pathian ropuizia a langa, Israel mipuiten an en ngam lo a, a hmai a khuh ta a, Pathian ropuizia leh a hmel hmu damchhuak an awm loh thu Pathianin asawi a, keimahniah hian Pathian ropuina hi lang chhuak se miten ei leh in tur hmu thin se a duh thu ngaihnawm takin a sawi a ni. Thusawi a zawh hian chhungkaw lam atangin Unaunu Lawmthangi lo ding chhuakin, PYD ten Home Crusade an nei thei chu lawmawm a tih thu leh tawngtaina lama inhre renga inthlahthlam lo turin a sawm nghal bawk a ni.

Pathian fakna hla sain kham lo takin inkhawm kan bang a, thei-tui leh chhang, in neitute siam chu tui ti takin kan ei ho a, lungleng zual an zai a kan tin chhunzawm ta mai a.