2019 SERCHHIP BIAL PYD INKHAWMPUI REPORT

Lalbiakdika Sailo
Secretary
Serchhip Bial PYD

Kum 2019 Serchhip Bial PYD Inkhawmpui vawi 24-na chu, Feb ni 22 atanga ni 24 hmang khan Lalpa venna leh kaihhruaina hnuaiah tluang taka hman zawh a ni. Hebron tualchhungin hneh tak leh zo takin inkhawmpui an thleng a, a tan tirh zan atangin inkhawm boruak a nuam nghal khawp mai. Serchhip Bial PYD President, Unaupa C.Thangzama’n inkhawm kaihruaiin, Bial Secretary-in inkhawm programme te chhiar chhuakin tualchhung hrang hrang atanga palai kalte a dintir a. Tirhkoh Vanlalrema’n (Hebron Tualchhung Chairman) inkhawmpui hlanna leh palai lawmna a nei a, Rev PC Laltanpuia’n a duhzawngte sawiin a nu leh pa te dam lo an tlawh chungchang report a pe bawk a ni. Zirtawp zan inkhawm tantu Unaunu Lalengkimi’n (Hebron PYD Fin.Secy) tanna hun thatak mai a hmang a, thlarau lam hla nen hun nuam tak hman a ni. Thusawitu Unaupa Lalmuansanga’n Rom 12:2 Gen. PYD Kumpuan thupui
‘Danglamna” tih innghah nana hmangin Pathian thu ropui leh pawimawh tak mai a sawi a ni.

Inrinni ah T.Upa C.Thangzama, Bial PYD President kaihhruaina hnuaiah ro rel a ni a, ro rel palai hi mi 50  vel kan ni. Upa T.Sangthanga Bial Chairman-in rorel hlanna neiin, General PYD President leh Secretary ten rorel min rawn hmanpui zawk a, an duh zawng sawi tirna neih a ni. Rorel tur Agenda 23 lutin chung zingah chuan 17 pass a ni. Rorelnaah hian tualchhung hrang hrang report ngaihthlak a ni a, report atanga a lan danin Serchhip bialah hian PYD Member 265, Mipa 169 leh Hmeichhia 96 kan awm a, zirlai 88 kan niin zuk leh hmuama fihlim 106 kan ni.Inrinni zan inkhawm hi Unaupa Lalchhuansanga Bial PYD Vice President-in a kaihruai a,  Unaunu Lalrintluangi Elim PYD Asst. Secy-in tanna hun a hmang a, thlarau lam boruak thar a lo thleng a, boruak nuam tak hnuaiah hun kan hmang a, a lawmawm hle a ni. Thuhriltu Unaupa K.Lalhmangaih-tluanga hnen atangin, Pathian Pakhat thu ropui tak kan ngaithla a, kan hlawk tlangin, hetiang thusawi ropui tak kan ngaithla thei hi kan vannei takzet a ni. 

Pathianni zing inkhawm hi T.Upa C.Thangzama’n min kaihruaia, tanna hun Unaupa Lalpansanga Zoar  PYD Vice President-in a hmang a, Member Boral te sunna hun Tirhkoh Vanlalreman a hmang bawk. Rev PC Laltanpuia’n Missions puala thawhlawm kan lakkhawm turah Campaign-na a rawn nei a, Unaunu Malsawmkimi Bial PYD Treasurer kaihhruaina hnuaiah PYD thil tum kan sawi rual leh a, thuhriltu Rev C.Liansanga ATI Lecturer hnen atangin I Kor. 15: 50; Galatia 3:17 leh Exodus. 3:20 tlawhchhanin “Danglamna’ tih thupui hmangin Pathian thu ropui tak ngaihthlak a ni a, a hlawk thlak hle.

Pathianni chawhnuah Unaupa Lalbiakdika Sailo Bial PYD Secretary in inkhawm kaihhruaina a nei, tanna hun T.Upa Vanlalbela Horeb PYD President-in a hmang a, thuhriltu T.Upa Lalpianpuia, Keitum Ramthar PYD Vice President chuan,  chang thlan atan I Samuela 10:16, II Samuela 19:20 hmangin thlarauva kan ‘Danglamna’ tih thu kan ngaithlaa, a hlawkthlak hle.

Pathianni zan inkhawm hi, Bial PYD Asst Secy  Unaupa Liansangpuia’n a kaihruai a, tanna hun hi T.Upa Vanlalrinchhana Keitum Ramthar PYD Fin.Secretary-in a hmang. Thuhrultu T.Upa B.Lalbiakdika EBM Gen. PYD hnen atangin, Genesis 9:20, II Samuela 9:3, Rom 12:2 thu atangin General PYD Kumpuan ‘Danglamna’ tih leh rawngbawlna kawngah inhliahkhuh a pawimawhzia kan ngaithla a, hemi zan hian thlarau lam boruak nuam tak nen hun kan hmang a, kham lo tak chungin Kum 2019 Serchhip Bial PYD inkhawmpui chu kan tiak ta a ni.