PENTECOST THALAI

C.Vanlalmalsawmzuali

Aw, Saron leh phaizawla lili par ang maia mawi,

Pentecost thalai rualte u,

In mawizia hi tunge pho chhuak zo ang le.

In aw a mawi a, in hmel lah a nalh si.

Ngaw dur khup hnuaia, a ruala grep rah mawi tak ang in ni.

Hling zinga lili parmawi tak anga mawi,

Ka enchimloh Pentecost thalaite u, ngaithla teh u,

Thlasik a ral ang a, ruahtui a kangin a kiang anga,

Leian pangpar an lo lang anga sirva zai vawr hun a thleng leh ang.

Thuva awrawl hriat a la ni ang.

Theipui kungin rah a chhuah leh ang a,

Grape hruite an lo parvul anga an rimtuinate a leng chhuak leh dawn.

Chutih hunah chuan nangni Pentecost thalaite u, eng nge in nih ve dawn le?

In rah kha in chhuah ve dawn lawm ni.

Keini  grape rah min tichhiaa min ei zo mektute do let tur hian.