HNEHNA THURUK

Roluahmawia
Serchhip Hebron

Ringtute hian hnehna nun neih kan duh a, chutih lain kan hneh lo fova, chak reng kan duh a, mahse kan chau thin. Hlim reng kan duh a, mahse lungngaiin kan kun fo si a nih hi. Engtin nge an lo tih bik le?
       
MIN CHHANCHHUAK DAWN LO MAHSE:- 
Sadraka te thian ho rawh tuina meipuiin a hliau zuai zuai tawh a, meipui ata, Lalpan chhanchhuak dawn lo mah se, Lalpa an phatsan dawn lohzia an puang hmiah mai a nih kha. Meipui chu a let sarih in an tih sat belh a.
An paih lut ta gnei mai bawk a. Amah ring ngam tlat tute laka beidawnna pe ngai lo leh tlai ngai lo Pathian chuan ava chhanchhuak chiang kher em. An thian ho chuan dinhmun ropui takah hlankaiin an awm ta zawk a ni. Harsatna leh fiahna thlipui a lo tleh a, la kiang turin kan dil a, a kiang mai si lo. Lalpa a reh veng veng mai a, tar at nei lo Diabola lah chuan chu tak chu tin zawn chatin, Pathian laka inthlahrunna tha lo leh inrinhlehna nasa tak nunin a han chhu nawn nghal zat a. Beidawnga kun tlawk tlawk chang a awm fo thin a, mahse chaua zam mai tur kan ni lo. Sadraka te ang hian min chhanchhuak dawn lo mah se kan tih ve theih a tul takzet a ni. Chu chuan rah duhawm tak a chhuahin, hnehna leh rinna nghet lehzual min neihtir thei dawn a ni.
       
LALPA LAM ENIN AMAH AN CHETTIR: 
Davida’n a fapa hlaua a tlanchhiat khan, Simeian an lunga vawmin anchhia a lo lawh tuar tuar mah se, Davida khan anchhe lawh mektu tan a en tlat lo, “Anchhia chu a ni lawh hang hmiang Lalpa tih tir a ni si a. Lalpa chuan ka hrehawmzia a hmu anga, a tha lamin min rawn rul leh mai pawh a ni thei e”, tiin Lalpa en nachang a hria a, hahdam diai a Lalpa chetna hun a nghah mai theihna kha hnehna thuruk zuk ni daih a. Hemi thuah pawh hian zir tur kan va han ngah tak em.
       
Lalpa hriatpuina leh remtihna chin zelah hian kan duh loh zawng tak thil kan chungah a thleng fo thin (Job-a ang khan). Dik tak chuan tu khaw hriatpui lem loh hian chhungril lamin phunnawina leh dem tur a dap duh viau lehnghal. Hetih laitak hian “Ngai ula Pathian ka ni tih hre rawh u” (Sam 46:10) tih kan hmuh angin, Lalpa lam en tlat chunga a kuta inhlan thlap theih hi ringtu nuna hnehna nun leh tui nung lui luanchhuana hnar chu a lo ni.
       
Thlarau zarah phurna thar kan neihin phurna min petu Lalpaah innghat lova, kan phurna boruak mimal nun chhungril phurnaah innghah a awl fo, phurna chuan chuai hun a nei a, chuta innghatte chu an chuai ve nghal thin. Phurna ngawt ni lova phurna min petu Lalpaa innghat tlattu chu a phurnate lo chuai mah se, a lawmna chu Lalpa danah chuan a ni zawk tawh a. Harsatna eng karah pawh, “ Ka lawm cheu ang natna tha lo chung pawhin ka tlantu chu a nung tih ka hre si a” (Joba 6:19-25) tih chu thupui berah an nei a. Phur lo leh chak lo chung chung pawha Lalpa tana rinawm leh fak tlat turte, thlarau lam nun thuruk chu a dai thuk ve deuh deuh a, Pathian khawngaihna chu a tan hnehna a nihzia hriain, Lalpa lo chu chuan tur dang a nei tawh ngai lo a ni.
       
AN TUM TLAT A:
Daniela chuan thlemna tinreng karah Lal chaw leh uaiin tha tinrengte chuan intihbawlhhlawh loh a tum tlat a. A bul tanna chu tlawm hle mah se dinhmun chungnung tak hlankai niin Pathianin a chawimawi ta zawk a ni.Ringtu nun kawngah hian nunkhua a ngui chhungril a ruak, hman angin inkhawm, Bible chhiar leh Pathian chawimawi chaknate chu chhungrila tur utut tu a awm tawh si lo. Hlimnain a tawn san laia chhuanlam tling ngai reng reng lote chu inkhawm loh chhuanlam atan a lo tling riau tawh a. A hmaa thil tha loa kan pawm thlap thinte kha a that loh em emna kan hmu mai ta lo; hmuh tawh, kuta khawih theih thil chi hrang hrangah chhungril nunruak hnawh khahna dap mai a awl fo.

A tawp ber atan chuan fiahna thlipui leh chak lohna chi hrang hrang khawvel hipna leh nekna karah pawh mi hneh mai lohna thuruk chu:-laia tum tlat na nei lote chuan Thlarau Thianghlim an ti lungngai a, khup zawi a ban uaithla leh boral tura tlu sawp tate pawh an awm fo thin. Lalpa lam pan vat nachang kan hriat a pawimawh hle a ni.

Amah ringin Isua tan rinawmah ka inpe, ka hmangaihna ka rawn hlan e I tan ti famkim rawh. Lal Isua ka duh ber min hruaitu atan ti a; Lalpa, hnehtu Lal ropui faka amaha innghat tlattu chuan an chaknate an siam tha leh anga, hnehna thuruk ropui chu an thinlungah kumkhua in a nung reng tawh ang.