CHAWM KAIAH BALU LAIN

Ni 11 February, 2019 (Thawhtanni) khan Hebron PYD te chuan, Serchhip Mat lui Chawm kaiah balu la-in hnatlang hlimawm leh hlawkthlak tak mai kan nei a, balu hi meter riat (8m³) kan la a, balu phal taka min pea min laktirtu Unaupa Lalchhanhima Khiangte chungah kan lawm takzet a ni. Lalpa leh a kohhran hmangaih mi, an neih ang leh

theih chin zela inpe thin kan nei hi a hlu kan ti a, Unaupa Lalchhanchima Khiangte leh a chhungte hi Pathianin a let tam takin malsawm rawh se.

Kan balu lak pawhin, hnathawktute zai ngai takin suahdura theh ang zelin, ‘Hmun tha lai ka chang lo ang’ ti ni awm takin a lut hnalh hnalh a. eng dang a ni lo, leilung hi Lalpa hausaknain a khat a ni. Krista tan tiin hah pawh sawi lovin kan tlangval ten theih tawp an chhuah a, an chhawl a hal hlauvin, nula lamin chhawl hal dawmna tur thingpui an lo buaipui sang sang bawk a, hetiang reng renga kan inngaihsak te chuan, hah pawh kan hre chang dawn hlei nem maw le! Chaw fak a lo hun a, buh changrum leh sa nen kan inhmachhawn ran mai kha chu, tu mah thinrim kan awm lo. Riltam tawh lamah amaha hang tham khawpin chaw kan bara, a chhilh nan sa tui hang kan intulh a, an titipui turin sa hrang kan hmawm tel leh a, ka chhungah hian a phu suau suau a, hrawkah hian an haw haw thla dur dur a ni ber e.
  
Hemi ni hian mi 20 kan thawk chhuak a, heng thawk chuhakte hian thupui pakhat kan nei, “Inlungrualna” tih hi. Mahni hna tulte kalsana Lalpa leh a kohhran tana kan inpekna hi a thlawn lo ang, engtik ah mah a bo ve tawh lo ang. Kan changvawn ah "Krista tan" tih hi lo ni zel teh se.

Ro in khawl khawmna hmun chu, lei hmunah hian ni lovin, sulrul ten an ei chhiat theih lohna hmun vanah ni zawk rawh se, chutah chuan lallukhum chhe thei lo a awm si a...