2019 FELLOWSHIP HMASA BER

A hmun : Unaunu Lalengkimi te in, Serchhip Chhim Veng

A hmun : Dt 3^rd feb 2019

Hebron PYD 2019 Fellowship hmasa ber

Hun hman dan tlangpui:

Chairman, Unaupa Roluahmawia'n II Samuela 22:5 thu chhiarin, PYD ten thla khata vawi hnih tal Fellowship neih kan rel tawh chu a hlawhtlinna kan kutah awmin, thahnem kan ngaih tlan a ngaih thu sawi a sawi a, thu a thiam bawka a sawi ngaihnawm khawm mai. Thil tul leh pawimawh angte a sawi zawh hnuah, tantu tur Unaunu Laltluangzeli a sawm nghal a ni.

Tantu, Unaunu Laltluangzeli hian Isaia 54:1-5 thu chhiarin Pathian hnena inhlanna a nei a, hun a hman zawh hnuah Chairman-in solo turin Unaupa Lalhruaitluanga a sawm leh a,
Unaupa Lalhruaitluanga hian fellowship programme zahawmna leh hlawkna chu a kala te kutah a awmin, solo hun chang te pawn kan ngaihhlut thiam a tulzia a sawi a, "Ka ngaizual che Lalpa, ka lungngaih niah hian" tih hla, Rev. HV Lalzamlova phuah a sa vang vang a, a ngaithlatute pawh hun dang leh hmun dangah a hruai a ni ber e, ngaihthlak a khamawm loh a ni.

Thu tawi sawi tur pakhatna, Unaunu Lalrengpuii (Fin. Secy) rawn dingin, "I PYD hle ang u" tih thupui hmangin pyd te fuihna thu tha tak min hrilh a, Pathian thu tuipuia sawi nuam ti viau si a, PYD tana chawrnahawm leh si lo te a awm theih a, chutiang ringawt chu kan ni tur a ni lo tih te leh, eng hna pawh thawk ila, miten PYD kan nih a tha zawngin min hre rawh se, tiin a sawi a ni.

Thu sawitu pahnihna, Unaupa Lalhmingliana (President) lo ding ve lehin, PYD ten 2019-a kan thupuan "Danglamna" thu denchhenin thu tha tak tak min hrilh a. "Kum hmasa aiin PYD activity leh rawngbawlnaahte hmasawn zawngin danglam ila, mite mit hmuhah a tha zawngin danglam ngam ang u" tiin fuihna thuchah tha tak kan ngaithla leh a ni.

PYD hla thulkhung ni awm a mawi tak tak hlir mai kan sa a, zai a nuam em em zel  bawk nen. Kan hla hriltu Unaunu K.Lalramsangi hla hrilh kha a ni benga la cham chu, a sawi leh tur chiah hi a mawih phei zaih zaih ni mai hian a hriat a, kan rawltharte pawhin Lalpa tan tiin an aw an ui lo, Ropuina Lalpa a ropui a ni.

A tawpna hla sak zawh hnua, Lalpa tawngtaina hmanga hun kan khar tawh hnu pawnin, kan la inkhar fel thei lo chu a ni ber e, tui takin thenkhat chu kan la zai a, hunin min nghak ve hek suh le, ui tak chung in kan thin ta hlawm a ni.